2015年6月29日 星期一

2015台北五天個人遊——旅程篇 (上)



*文中若沒額外註明,金額都是以台幣為單位

16/6 ()

這次不是我第一次自己去台北了。首先,等上機時,才話delay已經有點無奈。找個旁邊有充電設備的機場座椅,竟然充不到電,幸好旁邊有充電枱,唯有站著充一會兒吧。

今次機位自動劃到窗邊,本來劃到那邊沒甚麼問題,還可避免別人上廁所時撞到,但重點是我旁邊那位是個內地大媽,不論起飛或落機,都把身子整個挨過來望風景!=_=; 整個畫面比上次差多了。

到達後,雖然行李出得很慢,但還算順利。出機場前當然要買返張SIM卡啦!其實台北的話,我用的apps不多,流量不大,邊間分別都應該唔大0~見到台灣大哥大和中華電信那邊都多人,我就排最短那條遠傳電信隊。那個阿姐好似唔係好識點打開部手機,我部雖然唔係蘋果或三叔,但sony都唔係咁差0者。各樣delay花了太多時間,搞完就即刻去買車票坐車出台北。上車一看手機,「新」電訊公司send 了一堆sms 過來,睇睇下,做咩話19/6到期?!明明買的是五天,20號我才走喎!(最後20號我都仲用到……)

坐我旁邊那個女仔,一看就知是剛從韓國回來的台灣妹,諗起韓國那個新SARS,真係有0的驚驚呀~>_<~ 本來都相安無事,佢仲要問我路,問我幾耐左右到台北車站,難道我有一張「很熟路」的樣子?…..不過我都答左佢六分鐘左右後到,呢個世界上有樣野叫Apps~ (=_=)

本來到左可以食少少野,但係依家遲左咁多,唔理啦!Check in左先!


今次住兩間不同的,因為想試,其實可以全程全同一間的……Anyway, 我首先住信星。(關於住宿的方面,我會在另一篇中講-->2015台北五天個人遊——住宿篇)

放底行李,沒多久,到今天第一個,也是唯一一個重點!到新北投浸溫泉!(不過關於泡湯的方面,我也是插起在另一篇中講-->2015台北五天個人遊——泡湯篇)




泡湯前我有在七仔買了點水果食(免得太空肚,但又不可飽,加上氣溫太熱,食水果降溫),泡完湯,時間不早了。唉,還要睇定之後行程的路,所以好似好可憐咁,去頂好(就是惠康,新北投那間24小時的)買了個包吃就算。坐車回到去,成條街都靜晒。返到房就成間房黑晒,交誼廳就有人啦,我都坐左陣食隻香蕉。呢日真係食得少野到呢~我都以為自己在減緊肥,不過其實只是錯過了飯點,天氣又熱唔想食野而已。

17/6 ()


這間旅店有早餐!不過我自己早上懞懞下咁,梳洗成日攞漏野,呢間床位房個公共浴室洗生間又在房外喎(單人房等等都有私人的洗浴間)!出出入入浪費晒0的時間。好!就咁走左班車,趕唔切去坐1717(一小時一班),唯有改坐捷運上石牌站吧!

去得石牌站轉坐小8,當然就是順手跟朋友集合啦~ (同時在台北的朋友,不過住宿和行程跟我不一樣,基本是分開玩,但這個景點和之後有一餐就約埋一齊玩咁)

叫得做小8,呢架公車真係好小,少位!其實就在捷運站一出右手邊那條街(不用前行),就見到個站牌。記得排好隊,因為大家見唔到條隊,而到有車時條隊超快成形,你就會發覺你無端端站在隊外=_=; 我地呢0的遊客,面懞懞、好唔文明咁打尖,仲要坐埋關愛座……orz,我都唔想,但又要等一個鐘,我又唔制喎~


不同於1717,小8繞埋入竹子湖,所以不用在竹子湖派出所站下車。資料說下一個站,竹子湖站下車就可以了。車上很多人話再下一個站才是看花,但其實下一個站到左海芋大道,即近大梯田處,而我地想看看水車寮步道,所以呢個站就可下車了。一下車就是水車寮步道入口!其實這裡是「湖田橋」。














一條路,沿路走就會見到高家的花圃,不過因為要入場費,我跟朋友就先出來,打算看看大梯田,視乎哪個靚就入邊個,不用兩個都俾錢入嘛。





走返出來湖田橋位置,再行入0的,往「水尾」方向走,很快會到海芋大道,大道口左邊就有路入大梯田花圃。嗯,六月中,看到梯田,但已經看不到花了。相信園主已經割晒去賣,咁就唔駛揀啦~

不過海芋大道呢邊才有少許餐廳,仲要我地平日到,不是間間有開!我地隨便就近選了間叫「故鄉」的,反正間間價錢和菜款都差不多。

問了個大姐有咩好介紹,兩個人大約叫多少才好?佢話呢度「白斬雞」是放山雞(白切走地雞),正。叫半隻,另外再叫兩個涼菜就好。得,經推薦又寫埋個冷筍(新鮮摘),同埋個金莎南瓜。


一上菜,先來隻雞,我地就滴汗了!; 伙記!你肯定這是半隻而不是一隻嗎?好大碟!之後碟碟份量都好大,似乎農家菜就係咁……我地見其他人都是咁叫,真沒問題嗎?……隻雞,係好,但唔算非常好食。




冷筍好大塊,好似食水果咁,夏天食真係幾清爽,又冇渣,不過佢加了沙律醬上去,其實我覺得唔好沙律醬會好些,因為沙律醬的味很搶,又唔健康。


金莎南瓜真係超好食!力推!炸過,但唔油,又不會有很多粉,夠甜起莎,卻不會淋到一夾就爛晒。

不過碟碟都真係好大碟囉!我地邊度食得晒呀!跟住我地就見到有人走,謎團終於解開!原來0的人都會打包回去的!但我地是不會打包呀!>_< 我晏0的仲諗住去浸溫泉!點打包呀?


食完行返出水車寮步道,看高家的花圃。其實很大部分花都枯了,晒到燶。不過呢家花圃每年都會收剩一塊田,留俾遊客參觀的。本來種海芋的花圃多,會種埋繡球花的少,通常0的人都是來這家或去大梯田,依家大梯田冇花,不少人就入場睇呢邊。







呢度好適合影相,0的花有高有低,旁邊還有少許百子蓮(愛情花)

















不過因為大部分花都謝謝地、燶燶地,遠影可以,但影近就要搵到好花來影,真係唔容易,還要被過其他找花的人掙影,好在平日人流不多。白色、紅色死得快,藍色和紫色尚可。


影完相,就行返出竹子湖派出所對面等車。朋友和我之後的行程是分開的,不過我想等的小9公車太爆人,上唔到!T^T 只好改坐小8,諗住到時在捷運坐返新北投。點知上車,那個司機又很熱心地聊傾計=_=

佢太熱情了,問係咪第一次來呀,所以唔識搭,當然我呢0的唔太想透露過多私人資料的,就順著吹水啦~我話去北投,佢就話下個站
(應該是陽明山?站)落車,改坐230。如去台北車站,就坐260。在司機「太熱情」(太煩)和我在熱天飲涼水下,個肚好似有些少唔舒服,夾攻之際我還是下車。不過司機就是司機,如果等小9,就要40分鐘,但等230,時間接住,等10分鐘就有。一看,原來沿路會到我想去的北投文物館!反正順路,我便改這天去吧!北投文物館落車!









看地圖好似要行一段路,其實條路很短就到。有些人在外面影相,貪個景。佢地唔想俾錢(120)入去,影完就走,不過其實入到去人地都唔俾影的。我唔理,入去,俾錢!之後第一時間問人地個廁所位置 = =;…..到了!0⊙ 是日式廁所,超乾淨、抽風好,仲要是免治馬桶!即刻個入場費抵返晒,之後再看展覽走了一圈。其實很細,如果唔計去廁所和俾埋對襪你拎走,又真係唔係好抵。本來想預約食呢度個餐,不過想慳錢浸溫泉,算了。依家連參觀都參埋,應該都冇咩機會再來。

出返外面條路,其實我落車位前少少就見小25個牌。查下apps,要等成20分鐘,點知都未過三分鐘,小25就出現了。幸好反應快,還截得住!不過悠遊卡沒錢,要俾散銀。

我估係因為沿路沒咩上落客,個司機飛站飛得快。到我見到新北投站,佢已經駛離……好在下一個站北投公園,就在KFC對開而已,仲近0的我想去的地方。



呢日我去試水美的溫泉(跟之前那間一樣,詳情請看另一篇-->2015台北五天個人遊——泡湯篇)

泡完湯,很瘋狂的魚,坐車回台北火車站,然後晚上去基隆!!台北的火車站真係好多人,係先進些,但太多人了,所以都是在自助售票機買票吧。到基隆區間車41蚊。幸好自己上次去台東玩,有不少坐台鐵的經驗,反應夠快,一進閘就跑到月台上車!架車快開走了。

到了基隆,可能是「本地」遊客不少,所以指示還算不錯。我看了看個台鐵售票櫃位,有兩個人在買,又是一直傾計架勢。得!一陣到夜巿點都找些零錢,方便用售票機買票。




出口沿右手邊向前行會有條天橋(橋底就是遊客中心,此時已關門),上天橋,然後打橫往對岸 (即跟火車站平行地走),一直走,落天橋時就會到基隆的海洋廣場(好似係咁叫…),其實好似我地天星碼頭咁囉……見到隻麗星遊輪,當時隻黃色小鴨應在此處?怪不得黑晒啦~

Anyway, 繼續同一個方向行,過埋條七八十秒的馬路口(唔好以為時間長,但其實個時間唔夠行,所以走時要急步),向著M記位置走,咁上下會見到Subway入口,穿過去,就會到廟口夜巿附近(其實相差一個block),再行前多少少就到。



廟口夜巿其實差不多是24小時的(各店有休息時間啦)。我想講,可能是麗星遊輪停這裡吧,這個夜巿比想像中多香港人=_=,仲要聽佢地講野,就知係對當地冇咩「做功課」的。我可留時間不多(要趕回台北,車程都唔短),所以直走到目標,廟口夜巿!食廟口三文治!





因為廟口三文治出名,很多各種營養三文治的攤,算是在台灣夜巿中比較特色的。因為海港嘛,所以也有不少海鮮檔,但我怕肚子受不了,沒點。我還是買了個三文治,好食!個包是炸過的,有沙律醬、有火腿、有青瓜、有蛋。不過火腿不是我地平時方型薄片那種,是圓身火腿扒那種,切塊。蛋也不是普通烚蛋,而是皮蛋!!!松花的。諗落怪,但食落幾好味喎~ 不過天時熱,食完呢個我就有點吃不下其他東西了。



其他特色的都只是看看,最後點了個蟹肉羹作結,一般味道,有三粒蟹肉(本來想食埋碳燒黑毛豬三文治但太熱了,只想走)

沿路回到火車站,果然,又是有幾個人在售票櫃檯,那就售票機買吧。由基隆離開只有區間,沒其他站咁煩,仲要部機有100蚊紙幣入口!(台北那個是卡和散銀,有些地方得散銀而已)

回到去,個人涼返0的,有點覺得唔係好夠飽,加上第二天要搬地方,費時留個碗麵了(前一晚在七仔買左,但沒吃)。到自助廚房,「又」好多韓國人,佢地個個都是韓國泡麵加泡菜(前一晚都係咁,早餐佢地又係咁配搭),我就靜靜一角吃台灣泡麵,突然覺得,香港人的適應能力就是好。